Наземная баявая тэхніка войск ЗША ў Эўропе ўжо больш за 10 год мела толькі светла-жоўты (пустынны) камуфляж, бо амэрыканцы рыхтавалі і выкарыстоўвалі яе амаль выключна для папаўнення парка злучэнняў, якія змагаюцца супраць ісламістаў на Бліжнім Усходзе і ў Аўганістане.
Цяпер жа колер танкаў і баявых машын пяхоты сталі мяняць, піша афіцыйная вайсковая газета Stars and Stripes.
Хутка ўся баявая тэхніка ЗША ў Старым Свеце атрымае класічны «лясны зялёны» камуфляж, дэманструючы такім чынам змену ў стратэгічнай накіраванасці групоўкі. Вяртанне да колераў Халоднай вайны «супадае» з занепакоенасцю усходніх удзельнікаў НАТА інтэрвенцыяй Расіі супраць Украіны, дыпламатычна піша выданне.
«Відаць, гэта надоўга», — адзначыў камандуючы наземнымі сіламі ЗША ў Эўропе генерал-лейтэнант Бенджамін Ходжэс, паглядаючы, як піша выданне, на толькі што пафарбаваныя БМП Bradley.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары