Сяляне на 1500 трактарах заблакавалі Парыж: «Гэтыя гарадскія эколагі наўводзілі нормаў, а самі курыцы ад труса не адрозняць»
3 верасня больш за 1,5 тысячы фермераў на трактарах заблакавалі рух на вуліцах Парыжа. Яны пратэстуюць супраць новых стандартаў экалагічнай бяспекі, якія павышаюць вытраты.
«Гэтыя гарадскія эколагі наўводзілі нормаў, а самі курыцы ад труса не адрозняць», — сказаў журналістам газеты «Гардыян» Бруно Жаке, адзін з фермераў, які з сынамі прыехаў з вёскі ў цэнтры Францыі.
«На нас ляжаць выплаты, падаткі, экалагічныя стандарты, якія робяцца проста вар'яцкімі», — кажа Жаке.
Становішча фермераў пагоршылася таксама ў выніку падзення попыту ў Кітаі, дзе зніжаюцца эканамічныя паказчыкі.
У адказ на патрабаванні сельскагаспадарчай галіны ўрад паабяцаў экстранны пакет дапамогі на €685 млн у якасці падатковых ільгот і гарантый па крэдытах. Фермеры патрабуюць больш.
У Беларусі такія акцыі пратэсту забароненыя. У той жа час сярэдні беларускі селянін зарабляе ў 9 разоў менш, чым французскі.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары