Цэны знаходзяцца пад кантролем, заяўляе прэс-служба Міністэрства гандлю Беларусі.
«Пытанні выканання заканадаўства аб цэнаўтварэнні займаюць адзін з прыярытэтных кірункаў у працы гандлёвай інспекцыі Міністэрства гандлю. Асаблівая ўвага надаецца кантролю за цэнаўтварэннем на групы тавараў, якія рэгулююцца: малако, хлеб, плодаагароднінную прадукцыю, мяса і інш.», — гаворыцца ў паведамленні ведамства.
Асноўныя парушэнні, што дапускаюцца суб'ектамі гаспадарання ў гэтай сферы, — прымяненне завышаных гандлёвых надбавак на сацыяльна значныя тавары, а таксама на тавары, цэны на якія рэгулююцца органамі мясцовай улады.
Так, напрыклад, у выніку невыканання межавых гандлёвых надбавак на рэгуляваныя тавары ААТ «Дарорс» (Мінск) была неабгрунтавана атрымана выручка большая за 11,3 млн. рублёў, ТАА «Альтэрыкс Плюс» (Магілёў) — звыш 5 млн., ПТУП «Яна» (Віцебская вобласць, Расонскі раён) — 4,6 млн. рублёў.
Матэрыялы праверак адпраўлены ў суды. Вінаватым юрыдычным асобам пагражаюць штрафы ў двухразовым памеры неабгрунтаванай розніцы ад завышэння цэн.
Малады работнік «Мінск-Арэны» павінен заплаціць 71 мільён даляраў4
Каментары