23 верасня плануецца пасадка баявых самалётаў на ўчастак аўтадарогі Брэст — Мінск — мяжа РФ.
Пра гэта паведаміў у інтэрв'ю «Беларускай вайсковай газеце» намеснік начальніка ўпраўлення — начальнік інжынерна-аэрадромнага аддзела ўпраўлення тылу Ваенна-паветраных сілаў і войскаў супрацьпаветранай абароны Узброеных сіл Беларусі палкоўнік Сяргей Кавалевіч.
«У цяперашні час выконваюцца мерапрыемствы па падрыхтоўцы аднаго з участкаў аўтамабільнай дарогі (М1/Е30), дзе 23 верасня падчас лётна-тактычнага вучэння пілоты 61-й знішчальнай авіяцыйнай базы правядуць узлёт і пасадку знішчальнікаў, — распавёў Кавалевіч. — Уся адказнасць за арганізацыю працы і гатоўнасць аб'екта ўскладзена на асабісты склад 83-га асобнага інжынерна-аэрадромнага палка і 50-й змяшанай авіяцыйнай базы».
Тэлекампанія «Ваен ТБ» правядзе жывую інтэрнэт-трансляцыю пасадкі самалётаў на аэрадромны ўчастак дарогі. Сваё майстэрства прадэманструюць экіпажы Су-25 і МіГ-29. Упершыню на трасу прызямліцца ваенна-транспартны самалёт Ан-26.
Ва Упраўленні ДАІ УУС Мінаблвыканкама паведамілі БелТА, што рух усіх відаў транспартных сродкаў будзе закрыты з 9.00 да 16.00 на ўчастку дарогі М-1/Е-30.
У прыватнасці, будзе абмежаваны рух на трасе з 322-га км (развязка з аўтамабільнай дарогай Р1 Мінск—Дзяржынск) па 347-ы км (развязка з аўтамабільнай дарогай Р-23 Мінск—Мікашэвічы). Забаронены з'езд з аўтамабільнай дарогі Р-1 на аўтадарогу М-1 у напрамку мяжы Расіі, з аўтамабільнай дарогі Р-23 у напрамку Брэста, а таксама рух у напрамку Брэста ад развязкі з аўтадарогай Р-23.
Аб'езд закрытага ўчастка будзе ажыццяўляцца па аўтамабільных дарогах Р-1 Мінск—Дзяржынск, М-9 МКАД, Р-23 Мінск—Мікашэвічы і Р-65 Заслаўе—Дзяржынск—Возера. Перад пачаткам аб'ездаў закрытага для руху ўчастка будуць устаноўленыя адпаведныя дарожныя знакі, якія пакажуць маршруты аб'езду.
Маладую супрацоўніцу «Пеленга» арыштавалі за «заклікі да нанясення шкоды Беларусі». Ёй пагражае да 12 гадоў3
Каментары