Прэзідэнты Расіі і Беларусі Уладзімір Пуцін і Аляксандр Лукашэнка абмяркоўвалі тэму стварэння расійскай авіябазы ў Беларусі, настойваюць у Крамлі. Раней кіраўнік Беларусі заявіў, што нічога не ведае пра стварэнне базы.
Уладзімір Пуцін і Аляксандр Лукашэнка абмяркоўвалі тэму расійскай вайсковай авіябазы ў Беларусі. Пра гэта заявіў журналістам прэс-сакратар Пуціна Дзмітрый Пяскоў.
«Розныя аспекты гэтай тэмы абмяркоўваліся паміж двума прэзідэнтамі. Гэта абмеркаванне ў канструктыўным духу будзе працягнута, тым больш што маюцца быць кантакты» [у канцы тыдня мяркуецца візіт Пуціна і Лукашэнкі ў Астану на сустрэчу кіраўнікоў краін СНД — НН], — сказаў Пяскоў.
Паводле яго слоў, Пуцін і Лукашэнка пабачацца на гэтым тыдні ў Казахстане на саміце СНД і саміце ЕАЭС. «На палях гэтага саміту ў іх будуць магчымасці гэта абмеркаваць», — дадаў прэс-сакратар прэзідэнта Расіі.
Каментары