У панядзелак 19 кастрычніка Таццяна Караткевіч наведае Брусэль. У прыватнасці, яна возьме ўдзел у дыскусіі, арганізаванай Еўрапейскім фондам у падтрымку дэмакратыі.
Пасля візіту ў сэрца Еўрасаюза лідары кампаніі «Гавары праўду» скіруюцца за акіян.
У прыватнасці, на сайце Вільсанаўскага цэнтра з'явілася абвестка пра іх сустрэчу з амерыканскімі экспертамі.
Яна пройдзе 22 кастрычніка ад 10.30. У спатканні возьме ўдзел таксама былы пасол ЗША ў Беларусі Кенэт Яловіц.
На сайце цэнтра Таццяну Караткевіч рэпрэзентуюць як «аднаго толькі кандыдата ад дэмакратычнай апазіцыі, які ўдзельнічаў у прэзідэнцкіх выбарах 2015 года ў Беларусі. Яна таксама першая зарэгістраваная кандыдатка-жанчына ў гісторыі краіны. Хоць АБСЕ ацаніла выбары вельмі крытычна, Караткевіч выкарыстала свой удзел у кампаніі, каб прыцягнуць увагу грамадзян да сацыяльна-эканамічным праблем, якія хвалююць звычайных выбарцаў па-за звыклым электаратам апазіцыі».
У часе кампаніі Караткевіч абяцала, што ў выпадку абрання прэзідэнтам яе першая паездка была б у Расію.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары