Грамадства1212

Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў

Ім інкрымінавалі здраду дзяржаве, піша Беларуская асацыяцыя журналістаў.

Андрэй Пакаленка і Уладзімір Янукевіч

У Брэсцкім абласным судзе 26 лютага быў агучаны прысуд былым кіраўнікам баранавіцкага навінавага партала BAR24, а раней — незалежнай газеты Intex-Press, Уладзіміру Янукевічу і Андрэю Пакаленку.

Судовы працэс над медыяменеджарамі распачаўся 3 лютага 2026 года і праходзіў у закрытым рэжыме.

Абодвух абвінавацілі ў «здрадзе дзяржаве» (арт. 356). Уладзіміру Янукевічу суд прызначыў 14 гадоў пазбаўлення волі і 3000 базавых адзінак (135 тысячаў рублёў) штрафу на карысць дзяржавы, Андрэю Пакаленку — 12 гадоў і 1000 базавых адзінак (45 тысячаў рублёў) штрафу. Таксама ёсць інфармацыя пра вялізнае агульнае спагнанне сумай каля 200 тысячаў рублёў.

Сутнасць абвінавачання невядомая.

Уладзіміру Янукевічу 65 гадоў. Ён быў дырэктарам і галоўным рэдактарам найбуйнейшай незалежнай рэгіянальнай газеты Intex-Press. 44‑гадовы Андрэй Пакаленка працаваў там жа намеснікам дырэктара па развіцці. Пасля таго, як выданне было зліквідаванае, яны разам з камандай стварылі навінавы сайт BAR24 (bar24.by).

У снежні 2024 года супрацоўнікаў новага гарадскога партала затрымалі. У іх жыллі, а таксама ў рэдакцыі сілавікі правялі ператрусы, забралі тэхніку. Некалькіх чалавек адпусцілі, а супраць шасці затрыманых, якіх змясцілі ў СІЗА, па распараджэнні Брэсцкай пракуратуры завялі крымінальныя справы ў межах арт. 361—4 КК РБ («Садзейнічанне экстрэмісцкай дзейнасці»).

Сайт BAR24 апошні раз абнаўляўся 8 снежня 2024 года. З 13 студзеня 2025 года ён перастаў адкрывацца.

11 лістапада 2025 года імёны чатырох асуджаных супрацоўнікаў BAR24, створанага камандай колішняга Intex-Press Наталлі Семяновіч, Мікіты Пятроўскага, Руслана Равякі і Людмілы Зеляньковай былі дададзеныя да «Пераліку асобаў, датычных да «экстрэмісцкай» дзейнасці, які складае МУС Беларусі. Усе чацвёра былі асуджаныя да хатняй хіміі.

Рэдакцыя Intex-press сутыкнулася з праблемамі ў працы пасля прэзідэнцкіх выбараў 2020 года.

Каментары12

  • Cамы чэсны
    27.02.2026
    Ну што там нашамаша, не так і страшна на 14 гадоў у турму за журналісцкую працу?
  • sa
    27.02.2026
    Ну вот по заданию российской гбни закрывают местные источники информаци
  • затыкают рты
    27.02.2026
    Затыкают рты.
    За озвученную правду о скотном дворе и его распорядителе, дают сроки большие, чем за умышленное убийство.....

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць