Перад Дзяржкамваенпрамам стаіць задача паставіць у беларускае войска больш дасканалыя ракетныя комплексы ў 2016—2017 гадах.
Пра гэта сёння журналістам паведаміў старшыня Дзяржаўнага ваенна-прамысловага камітэта Сяргей Гурулёў па выніках наведвання Аляксандрам Лукашэнкам завода дакладнай электрамеханікі ў Дзяржынскім раёне.
Аляксандр Лукашэнка ў час наведвання шматпрофільнага ўніверсальнага цэха завода азнаёміўся у прыватнасці з ходам работ па лакалізацыі вытворчасці ракет рэактыўнай сістэмы залпавага агню.
Сяргей Гурулёў адзначыў, што кіраўніком дзяржавы вызначана задача паставіць у беларускае войска больш дасканалыя ракетныя комплексы ў 2016—2017 гадах, і «мы за гэтую працу бярэмся».
Кіраўніку было паведамлена аб выкананні яго даручэнняў па стварэнні айчыннага ракетабудавання і аснашчэння Узброеных Сіл сучаснай ракетнай тэхнікай.
Па словах Сяргея Гурулёва, сёння кіраўніком дзяржавы была праведзена праверка выкананага. Дзяржкамваенпрам і арганізацыі, якія працуюць над стварэннем ракетнай сістэмы залпавага агню далёкасцю 200 км, добра зрабілі справаздачу.
Створаны цэлы комплекс, навуковы і вытворчы, для працы ў гэтым кірунку.
«Усе сучаснае, пачынаючы ад гаспадарчых пабудоў да камунікацый і абсталявання, падабраныя навучаныя людзі. Яны, як было паведамлена, паверылі ў сябе, паверылі ў свае магчымасці. Мы рухаемся далей», — падкрэсліў старшыня Дзяржкамваенпрама.
Акрамя таго, падчас наведвання завода кіраўніку дзяржавы было паведамлена аб вытворчай структуры, фінансава-гаспадарчай дзейнасці і перспектывах прадпрыемства.
Аляксандр Лукашэнка азнаёміўся таксама з тэхнікай ракет рэактыўнай сістэмы залпавага агню «Паланэз» і абсталяваннем для выпрабавання ракетных рухавікоў на пляцоўцы паказу ўзбраенняў, ваеннай і спецыяльнай тэхнікі.
У прыватнасці, кіраўніку дзяржавы былі прадстаўлены баявая машына, якая транспартуе камплекты пускавых кантэйнераў, транспартна-зараджальная машына, прызначаная для іх пагрузкі, разгрузкі і перавозкі, і машына баявога кіравання.
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары