Авіякампанія «Белавія» 17 снежня плануе адкрыць рэгулярны рэйс ва ўкраінскі Харкаў, паведаміў намеснік генеральнага дырэктара па маркетынгу і знешнеэканамічнай дзейнасці авіякампаніі Ігар Чаргінец.
«Мяркуецца, што гэта будзе дзённы рэйс штодня», — удакладніў Ігар Чаргінец.
Як раней паведамлялася, 25 кастрычніка авіякампанія «Белавія» адкрыла рэгулярныя авіяперавозкі па маршруце Мінск — Адэса — Мінск. Тады намеснік гендырэктара авіякампаніі паведаміў: «Пазней, калі будзе такая неабходнасць, падумаем пра пашырэнне геаграфіі палётаў з Мінска ў іншыя аэрапорты Украіны акрамя Кіева і Адэсы».
Каментары