Праязныя дакумэнты новага пакаленьня праходзяць выпрабаваньні ў менскім мэтро. Для пуску новых сыстэм у эксплюатацыю амаль усё гатова.
Бескантактныя праязныя білеты па прыкладзе буйных гарадоў сьвету ўжо даўно выкарыстоўваюць у маскоўскім мэтрапалітэне. Такі самы досьвед перанялі й у кіеўскім мэтро. Неўзабаве сучасныя тэхналёгіі знойдуць прапіску ў айчыннай сталічнай падземцы.
Праязныя дакумэнты новага пакаленьня пакуль праходзяць выпрабаваньні. У экспэрымэнце з пачатку мінулага году ўдзельнічаюць каля дзьвюх з паловай тысяч супрацоўнікаў менскага мэтро. Плянуецца, што грамадзяне атрымаюць магчымасьць карыстацца такімі карткамі сёлета да канца году.
— Для пуску новых сыстэм у эксплюатацыю амаль усё гатова, — кажа Рыгор Якімкаў, начальнік службы руху Менскага мэтрапалітэну. — Завершаная ўсталёўка счытвальных прыстасаваньняў на турнікеты. Засталося абсталяваць касы новымі прыстасаваньнямі для кадаваньня й «падзарадкі» картак.
Вонкава новая радыёкарта мала адрозьніваецца ад цяперашняй магнітнай. Але працуе яна па зусім іншым прынцыпе. Дзякуючы ўмантаванай антэне і мікрачыпу, карта спрацоўвае на адлегласьці двух‑трох сантымэтраў ад прыстасаваньня. Пасажырам гэта дасьць масу пераваг. Каб прайсьці турнікет, праязны не давядзецца даставаць з кішэняў ці торбаў. Дастаткова будзе блізка паднесьці яго да счытвальнага прыстасаваньня, дзе намаляваная картка й ёсьць надпіс «Радыёкартка». Як што інфармацыя з такога праязнога счытваецца хутчэй, чым з магнітнай карты, чэргі да турнікетаў у час пік зьнікнуць.
— Важна і тое, што новая бескантактная карта мае больш высокі ўзровень абароны ад падробак і больш доўгі тэрмін эксплюатацыі — тлумачыць Рыгор Якімкаў.
Зрэшты, закладны кошт такой карткі таксама будзе вышэйшым. Наколькі падаражае праязны дакумэнт, пакуль не паведамляецца. Прынцып платы за карыстаньне паслугамі сталічнай падземкі на першым этапе застанецца ранейшым. Пасажыры будуць мець магчымасьць набыць праязны на дэкаду й на месяц. Магчыма, зьявіцца праязны на квартал. Аднак у пэрспэктыве будзе разглядацца магчымасьць пераходу на аплату колькасьці зробленых паездак незалежна ад часу карыстаньня карткай.
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары