БРСМ не спадабаліся здымкі, якія дыскрэдытуюць іх супрацоўніцу
Пра гэта піша «Суполка беларускамоўнай моладзі Пружан» «УКантакце».
«Супрацоўніца Пружанскага РК БРСМ пагражае судом грамадскаму актывісту за публікацыю фота, дзе яна трымае гарэлку», — сцвярджае адміністратар суполкі Георгій Казлоўскі.
«Вечарам нядзелi у нашaй суполцы з'явiлiся здымкi, дзе Дар'я Кулагіна знаходзіцца ў неахайным выглядзе з пляшкай гарэлкі. Фота былі ўзятыя з асабістай старонкі сп. Кулагінай».
«Супрацоўніца БРСМ пачала ціснуць на адміністратараў суполкі з просьбай выдаліць допіс. Атрымаўшы адмову, яна стала пагражаць судом галоўнаму адміну».
«Наша Ніва» папрасіла Дар'ю пракаментаваць допіс, але яна адказала, што яна не публічная асоба, бо яна «не першы сакратар» і нічога каментаваць не будзе.
Каментары