Вадзім Безкаравайны, які абвінавачваўся ў лонданскім судзе ў падрыхтоўцы нападу на расейскую амбасаду ў адпаведнасці з артыкулам аб тэрарызме, прызнаны невінаватым судом прысяжных засядацеляў.
Прысяжныя абвясцілі свой вердыкт у пятніцу.
Вадзім Безкаравайны тым не менш пакуль не выпушчаны на волю, бо міністру ўнутраных спраў Вялікабрытаніі трэба будзе вырашыць пытанне аб яго дэпартацыі.
Безкаравайны не мае права на жыхарства ў Вялікабрытаніі, дзе ён пражываў нелегальна па польскім пашпарце на імя Караля Бялецкага. У 2014 годзе ён быў арыштаваны і асуджаны на тры гады за выкарыстанне чужых дакументаў. Яго тэрмін зняволення быў скарочаны і афіцыйна скончыўся некалькі тыдняў таму.
Неўзабаве пасля арышту яму было прад'яўленае новае абвінавачанне — па артыкуле аб тэрарызме.
Дэпартацыя Вадзіма Безкаравайнага, які нарадзіўся ва Украіне, на радзіму ўскладняецца тым, што ён страціў усе дакументы, якія пацвярджаюць яго ўкраінскае грамадзянства, калі ў 12-гадовым узросце разам з сям'ёй эміграваў у Аргентыну.
Раней Безкаравайны беспаспяхова спрабаваў аднавіць сваё ўкраінскае грамадзянства.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары