Супрацоўнікамі аддзялення па наркакантролі і процідзеянні гандлю людзьмі Партызанскага РУУС Мінска затрыманы 27-гадовы мінчанін, які пры затрыманні праглынуў псіхатроп, што быў пры ім.
Як паведамляе ГУУС Мінгарвыканкама, у распараджэнні супрацоўнікаў міліцыі з'явілася аператыўная інфармацыя аб тым, што мужчына займаецца распаўсюджваннем наркотыкаў. За падазраваным было ўстаноўлена назіранне, а падчас сустрэчы са знаёмым ён быў затрыманы. У момант затрымання падазраваны праглынуў скрутак, што быў пры ім.
Супрацоўнікі міліцыі даставілі мужчыну ў гарадскую клінічную бальніцу. Пасля правядзення працэдуры эндаскапіі са страўніка затрыманага дасталі палімерны пакецік, у якім знаходзіўся парашок белага колеру. У выніку правядзення хімічнай экспертызы было ўстаноўлена, што гэта асабліва небяспечнае псіхатропнае рэчыва альфа-PVP.
Затрыманы раней ужо быў неаднаразова судзімы за маёмасныя злачынствы. Цяпер у дачыненні да яго Партызанскім РАСК Мінска распачата крымінальная справа на падставе ч. 1 арт. 328 КК (незаконны абарот наркатычных сродкаў, псіхатропных рэчываў, іх прэкурсораў і аналагаў).
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ2
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары