Дзярждума РФ у пятніцу прыняла ў другім і ў трэцім, канчатковым, чытанні закон, які зніжае амаль у 100 разоў (з 450 тысяч да 5 тысяч расійскіх рублёў) штрафы за адсутнасць у дальнабойшчыкаў трэкераў — новых сістэм, якія адсочваюць шлях і вызначаюць памер аплаты, паведамляе »Інтэрфакс».
«Прынятыя папраўкі таксама ўводзяць паняцце аднакратнасці штрафу: не больш за адзін штраф у суткі пры любой колькасці фіксацый парушэння. Акрамя таго, папраўкі дазваляюць постаплату замест перадаплаты», — сказаў журналістам, каментуючы ініцыятыву, першы намеснік старшыні камітэта Дзярждумы па канстытуцыйным заканадаўстве і дзяржаўным будаўніцтве Вячаслаў Лысакоў.
Згодна з законам, рух аўтамабіля, які мае дазволеную максімальную масу звыш 12 тон, па аўтамабільных дарогах агульнага карыстання федэральнага значэння без унясення платы ў кошт пакрыцця шкоды, які прычыняецца такім дарогам, караецца штрафам 5 тысяч рублёў (першапачаткова меркаваўся штраф у 450 тысяч рублёў на юрыдычных асоб).
Гэта датычыцца кіроўцаў аўтамабіляў, якія належаць замежным перавозчыкам, і уласнікаў аўтамабіляў, якія не належаць замежным перавозчыкам.
Паўторнае ўчыненне такога адміністрацыйнага правапарушэння цягне накладанне адміністрацыйнага штрафу ў памеры 10 тысяч рублёў. Закон устанаўлівае, што памер платы ў кошт пакрыцця шкоды аўтадарогам і парадак яе спагнання вызначаюцца урадам РФ.
Лысакоў адзначыў, што «у цяперашні час кошт 1 км зніжаны урадам Расіі да 1,53 да сакавіка 2016 года, і ў камітэце спадзяюцца на пралангацыю» гэтай меры.
Нагадаем, раней у пятніцу кіроўцы вялікагрузных аўто пачалі акцыю пратэсту на Маскоўскай кальцавой аўтадарозе, у выніку чаго, па словах відавочцаў, стварылася гіганцкая пробка. Як паведамлялася, кіроўцы пратэстуюць супраць збору за праезд па федэральных трасах.
Паводле апошніх дадзеных, рух на ўчастку вонкавага боку МКАД у раёне Ленінградскай шашы, дзе дальнабойшчыкі спрабавалі зладзіць акцыю пратэсту, разблакаваны.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары