Народны банк Кітая панізіў з 10 снежня курс нацыянальнай валюты да 6,42 юаня за даляр.
Гэта мінімальнае значэнне са жніўня 2011 года. Гэта ўжо другое зніжэнне кошту юаня за апошнія два дні. Неабходнасць такога кроку ўлады краіны тлумачаць задачай аптымізацыі міжнародных разлікаў.
Упершыню ў гэтым годзе Народны банк Кітая дэвальваваў юань 11 жніўня. Пасля гэтага на працягу трох дзён кітайская валюта патаннела да даляра на 4,6%.
Трэба адзначыць, што ў той час адбылося і значнае падзенне беларускага рубля.
Так, на таргах 11 жніўня даляр каштаваў 15 771 беларускага, а праз два тыдні даляр каштаваў 17 836 беларускіх (рост +2 065 рублёў). Затым рубель крыху ўмацаваўся.
***
30 лістапада Міжнародны валютны фонд уключыў кітайскі юань у свой спіс рэзервовых валют (SDR). Рашэнне ўступіць у сілу з 1 кастрычніка 2016 года. Такім чынам, кітайская валюта стане пятай у гэтым спісе. Акрамя яе ў SDR уваходзяць амерыканскі даляр, еўра, брытанскі фунт і японская ена.
Каментары