Па словах дырэктара Службы фінансава-эканамічнай стабільнасці Банка Літвы Гедымінаса Шымкуса, развіццё эканомікі краіны будзе прастымулявана ростам спажывання і ростам эканомік галоўных гандлёвых партнёраў.
«У гэтым годзе рост эканомікі Літвы складзе 1,7%, а ў наступным годзе мы чакаем рост ўжо 2,9% — ледзь не ўдвая больш (…) Калі казаць пра хатнія гаспадаркі, насельніцтва, то ў нас зніжэнне беспрацоўя і рост заробкаў, якія павінны падрасці прыкладна на 5%. У гэтым годзе ў нас назіраецца зніжэнне ўзроўню спажывецкіх цэн, а ў наступным годзе мы прагназуем невялікую інфляцыю 1,4%. У параўнанні з ростам заробкаў атрымліваецца, што рэальная пакупніцкая здольнасць расце», — сказаў Г. Шымкус у інтэрв'ю радыё LRT.
Паводле яго слоў, рост таксама будзе стымулявацца ажыўленнем эканомікі еўразоны.
Каментары