Мінскія «Цмокі» прайгралі пяты раз запар у баскетбольнай Адзінай лізе ВТБ*. Гэтым разам мінчукі прайгралі ў гасцях «Ніжняму Ноўгараду» з лікам 85:100.
У «Цмокаў» у 14 гульнях — 5 перамогаў і 9 паразаў. Апошні раз беларускі клуб перамагаў у турніры 5 снежня, гэта была вікторыя над грузінскай «Вітай».
6 студзеня «Цмокі» ў мінскім Палацы спорту ў іншым турніры — другі этап Кубка ФІБА — згуляюць з аўстрыйскім «Гюсінгам».
9 студзеня ў Адзінай лізе ВТБ — гульня ў Мінску супраць эстонскага «Калева».
* Адзіная ліга ВТБ — баскетбольны турнір з удзелам 16 камандаў, што гуляюць паміж сабой у два колы (30 гульняў). Удзельнічаюць 9 камандаў з Расіі, па адной з Беларусі, Фінляндыі, Эстоніі, Латвіі, Чэхіі, Грузіі і Казахстана. У плэй-оф, які пачнецца ў красавіку, выходзіць 8 камандаў.
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі9
Каментары