Чыноўнік, які адказваў за працы па зносе будынкаў у кітайскім горадзе Чжэнчжоў, звольнены пасля таго, як у аўторак бульдозер пратараніў сцены мясцовай бальніцы, паведаміла дзяржаўнае тэлебачанне КНР.
Лекары і пацыенты ратаваліся ўцёкамі, а некалькі цел з морга былі пахаваныя пад будаўнічым смеццем.
Гарадскія ўлады былі абвінавачаныя ў парушэнні тэхнікі бяспекі. Паліцыя праводзіць далейшае расследаванне.
Адміністрацыя раёна Хуэйцзы раней патлумачыла ў заяве, што кабінет камп'ютарнай тамаграфіі і морг размяшчаліся на зямлі, выдзеленай для пашырэння дарогі. Паводле сцвярджэння ўладаў, яны некалькі разоў прасілі бальніцу самастойна знесці частку будынка, а перад пачаткам зносу ў пятніцу эвакуіравалі пацыентаў.
Інцыдэнт выклікаў хвалю абурэння ў Кітаі, дзе прымусовы знос дамоў — нярэдкая з'ява.
Цяпер чытаюць
Белпол: «Эпштэйн не даехаў да Беларусі». А кім былі бацькі яго каханкі Карыны Шуляк?2
Каментары