Кіраўнікі Беларусі і Віетнама правялі перамовы ў Ханоі і выступілі супраць аднапалярнага сьвету.
Кіраўнікі Беларусі і Віетнама правялі перамовы ў Ханоі
А. Лукашэнка і віетнамскі прэзыдэнт Нгуен Мінь Чыет пасьля перамоваў заявілі аб асаблівай актуальнасьці пераадоленьня аднапалярнага сьвету і недапушчэньня ўмяшаньня ва ўнутраныя справы сувэрэнных краін,—паведамляе Інтэрфакс.
Паводле А. Лукашэнкі, і Беларусь, і Віетнам адчуваюць моцны палітычны і эканамічны ціск з боку «асобных дзяржаў».
У эканоміцы супрацоўніцтва паміж Беларусьсю і Віетнамам знаходзіцца на «ніякім узроўні». Каб палепшыць сытуацыю ён прывёз у Ханой «цэлы дэсант дзелавых колаў». У прыватнасьці ужо падпісаны кантракт на пастаўку у Віетнам 500 трактароў МТЗ.
Апошні раз Лукашэнка быў з візытам у Віетнаме ў 1997 годзе.
Цяпер чытаюць
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў12
Каментары