Супрацоўнікі ДАІ цягам дзесяці кілямэтраў спрабавалі спыніць п’янага кіроўцу. Як высьветлілася, аматар хмяльной язды ўжо ў пяты раз затрымліваецца за аналягічнае парушэньне.
Супрацоўнікі ДАІ цягам дзесяці кілямэтраў спрабавалі спыніць п’янага кіроўцу. Як высьветлілася, аматар хмяльной язды ўжо ў пяты раз затрымліваецца за аналягічнае парушэньне.
Уцякаць ад міліцэйскай пагоні Сяргею не ў навіну. Затрыманьне за кіраваньне ў п’яным выглядзе — ужо пятае за 2 гады. За плячыма — сутыкненьне лоб у лоб з машынй ДАІ, судзімасьці за ўгон і кіраваньне «пад хмелем». Ён і цяпер адбывае пакараньне — два гады выпраўленчых прац. Адсутнасьць правоў садзіцца за руль не замінае.
Сяргей Царык, парушальнік:
«Кожны дзень толькі цьвярозы. Бывае па выходных, ну як па выходных, як калі атрымаецца, можаш сесьці выпіўшым. А так у асноўным, дахаты прыехаў, паставіў машыну і ўсё».
Кіроўца парушыў хуткасны рэжым і не спыніўся па патрабаваньні ДАІ. Пачалося перасьледаваньне. Фальксваген пятляў і выскокваў на ўзбочыны.
Мікалай Пачко, інспэктар дарожна‑патрульнай службы аддзяленьня ДАІ Івацэвіцкага РАУС:
«Па ўзбочыне рухаліся й пешаходы, ішоў сустрэчны транспарт. Перасьледаваньне было дужа цяжкім. Ён не даваў зрабіць манэўр абгону, каб яго прыціснуць. Манэўр абгону стала магчымым зрабіць толькі пасьля таго, як прымянялася ўжо агнястрэльная зброя, і былі прабітыя два заднія колы».
Перасьлед не спыняўся на працягу 10 кілямэтраў. І гэта на ўчастку, дзе паводле зьвестак ДАІ адбываецца самая вялікая ў раёне колькасьць аварый зь сьмяротнымі зыходамі.
Сяргей уехаў у двор нежылога дому. Кінуў машыну й кінуўся бегчы.
Аналіз крыві Сяргея паказаў утрыманьне алькаголю — адзін і восем дзясятых праміле. Прыкладна пляшка гарэлкі — тлумачаць супрацоўнікі ДАІ.
Анатоль Луцэвіч, старшы дзяржаўтаінспэктар Міжраённага аддзелу ДАІ УУС Берасьцейскага аблвыканкаму:
«Мы спадзяваліся, што ўвядзеньне новага адміністрацыйнага кодэксу з 1 сакавіка 2007 году неяк спыніць кіроўцаў, і неяк напужае іх увядзеньнем такой нормы за паўторнае парушэньне, то бо кіраваньне ў нецьвярозым выглядзе прадугледжаная крымінальная адказнасьць».
Статыстыка паказвае адваротнае. Ужо сёлета ў Берасьцейскай вобласьці затрымана больш за 2 тысячы п’яных кіроўцаў. На 200 болей, чым за такі ж леташні пэрыяд. Толькі ў Івацэвіцкім раёне пяцёра рэцыдывістаў умудрыліся сесьці п’янымі за руль ужо падчас адбываньня пакараньня за кіраваньне ў нецьвярозым стане.
Сяргея чакае чарговы суд. Максымальнае прадугледжанае пакараньне — альбо арышт тэрмінам да шасьці месяцаў, альбо штраф памерам да 35 мільёнаў рублёў.
Ілюстрацыя UZR.com.ua
Цяпер чытаюць
Лукашэнка нервова пракаментаваў візіт Ціханоўскай у Кіеў39
Каментары