Папа Рымскі заявіў, што кандыдат у прэзідэнты ЗША Дональд Трамп не з'яўляецца хрысціянінам, калі ён выступае за будаўніцтва сцяны на мяжы ЗША з Мексікай у мэтах барацьбы з нелегальнай іміграцыяй.
«Чалавек, які думае толькі аб будаўніцтве сцен дзе б там ні было, а не аб будаўніцтве мастоў, не з'яўляецца хрысціянінам», - сказаў Францішак пасля візіту ў Мексіку.
У адказ на пытанне, ці не імкнецца ён паўплываць на амерыканскіх выбаршчыкаў падчас перадвыбарнай кампаніі ў ЗША, Папа адказаў, што не хоча ў яе ўмешвацца. Але затым ён зноў крытычна адазваўся пра Трампа: «Я хачу толькі сказаць, што гэты чалавек не з'яўляецца хрысціянінам, калі ён кажа такія рэчы».
У адказ на каментары Папы Трамп аператыўна распаўсюдзіў заяву, у якім назваў сябе хрысціянінам і паабяцаў абараняць хрысціянства ў выпадку сваёй перамогі на выбарах. «Для рэлігійнага лідара ганебна ставіць пад сумнеў веру чалавека», — заявіў кандыдат у прэзідэнты.
Па словах Трампа, калі на Ватыкан нападуць тэрарысты «Ісламскай дзяржавы», Папа будзе шкадаваць пра тое, што Трамп не з'яўляецца прэзідэнтам ЗША, бо пры ім такога нападу не адбылося б.
***
Дональд Трамп, кандыдат у прэзідэнты ЗША ад рэспубліканцаў, належыць да прэсвітэрыянскай царквы.
Падчас выбарчай кампаніі Трамп неаднаразова выступаў са скандальнымі заявамі з нагоды іміграцыйнай палітыкі ЗША. У прыватнасці, ён прапаноўваў забараніць уезд у ЗША мусульманам.
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары