Амерыканская пісьменніца Харпер Лі, якая праславілася дзякуючы раману «Забіць перасмешніка», памерла на 90-м годзе жыцця.
Паведамленні пра смерць пісьменніцы пацвердзіла мэрыя яе роднага горада Манравіль, дзе яна жыла апошнія некалькі гадоў. Прычына смерці пісьменніцы не ўдакладняецца.
Харпер Лі нарадзілася ў 1926 годзе. У 1950-х гадах яна вырашыла стаць пісьменніцай і напісала некалькі апавяданняў, а ў 1959 году скончыла свой раман «Забіць перасмешніка», які прынёс ёй сусветную славу.
Апублікаваны ў 1960-м годзе раман стаў бэстсэлерам і застаецца ім да гэтага часу. Ён перакладзены на некалькі моў, а экранізацыя твора, знятая Хортанам Футам, атрымала прэмію «Оскар».
Нягледзячы на гучны поспех рамана, Лі больш так і не напісала ніводнага закончанага твора і стала пазбягаць публічных выступаў.
Тым не менш, у 2015 годзе яна пагадзілася дапрацаваць і выдаць раман «Ідзі пастаў вартаўніка», які яна пісала яшчэ да «Забіць перасмешніка», але які так і не выйшаў у тыя часы.
-
70‑гадовы пенсіянер выдаў свой першы раман сам. «Тэа з Голдэна» стаў бестсэлерам
-
«Дом, у якім…» Марыям Петрасян — расказваем пра культавую для пакалення 2010‑х кнігу-бестселер, якую пераклалі на беларускую мову
-
Абвешчаны доўгі спіс намінантаў на прэмію імя Ежы Гедройця за найлепшую беларускую кнігу 2025 года
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3535
Каментары