25 лютага ў Мінску пад старшынствам беларускага прэзідэнта пройдзе пасяджэнне Вышэйшага дзяржсавета Саюзнай дзяржавы. Аляксандр Лукашэнка і Уладзімір Пуцін сустрэнуцца ў Палацы Незалежнасці.
Правесці пасяджэнне ў Беларусі прапанаваў Аляксандр Лукашэнка. Папярэдні дзяржсавет праходзіў у Маскве амаль год таму, 3 сакавіка 2015 года. А апошняя сустрэча Пуціна і Лукашэнкі адбылася ўсяго тры тыдні таму, у Сочы, дзе беларускі прэзідэнт праводзіў кароткатэрміновы адпачынак.
Як паведамляе прэс-служба Крамля, непасрэдна перад пасяджэннем Уладзімір Пуцін і Аляксандр Лукашэнка правядуць асобную сустрэчу, падчас якой «абмяняюцца думкамі аб далейшым развіцці расійска-беларускіх адносін, а таксама па актуальных міжнародных тэмах».
Паводле афіцыйнай інфармацыі, на пасяджэнні дзяржсавета прэзідэнты, прэм'ер-міністры і вышэйшыя чыноўнікі дзвюх краін будуць абмяркоўваць бюджэт Саюзнай дзяржавы на 2016 год і праграму дзеянняў у галіне знешняй палітыкі на 2016-2017 гады.
У Беларусі таксама чакаюць рашэння аб магчымасці фінансавай падтрымкі, пра якую дамовіліся Лукашэнка і Пуцін у Сочы.
«Расіяне, пры ўсёй складанасці, вуснамі і прэм'ера, і прэзідэнта Расіі, з якімі я двойчы сустракаўся за тыдзень, проста сказалі: у нас няма іншага выйсця, як падтрымліваць Беларусь,бо нашы там інтарэсы, мы шмат у чым залежым ад Беларусі, — распавёў беларускі прэзідэнт, вярнуўшыся ў Мінск з Сочы. — Сітуацыя няпростая, але не смяротная. І яны (расіяне) кажуць: так, не смяротная ні ў вас, ні ў нас. Але мы бачым нейкія парывы ў фінансаванні і гэтак далей, мы дапаможам, у плане рэфінансавання і запазычання праз Еўразійскі банк развіцця».
Таксама ў пасяджэнні Вышэйшага дзяржсавета Саюзнай дзяржавы прыме ўдзел прэм'ер-міністр Расіі Дзмітрый Мядзведзеў.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары