Кіраўнік Чачні Рамзан Кадыраў заявіў, што яго час на пасадзе кіраўніка рэгіёну падышоў да канца і на гэтую пасаду дзяржаве неабходна знайсці іншага чалавека.
Пра гэта ён сказаў у інтэрв'ю тэлеканалу НТВ.
«Калі шчыра сказаць, я раблю справы, і ў мяне атрымлівалася да сённяшняга дня. Вось каб не выкарыстоўвалі маё імя супраць майго народа, я лічу, што кіраўніцтву дзяржавы трэба знайсці іншага чалавека. Я кажу — мой час прайшоў. У нас пераемнікаў у камандзе ёсць вельмі шмат, ёсць вельмі добрыя спецыялісты», — сказаў Кадыраў.
Ён адзначыў, што ў любога чалавека ёсць свая мяжа. «Гэта пік. Вось гэта пік для Кадырава», — сказаў кіраўнік Чачні.
Пяцігадовы тэрмін паўнамоцтваў Кадырава на пасадзе кіраўніка Чачні завершыцца 5 сакавіка.
Каментары