Напярэдадні Дня Перамогі ў цэнтры Менску будзе ўрачыста адкрыты помнік маршалу Савецкага Саюза Георгію Жукаву... урачыстае адкрыцьцё якога прайшло летась.
Напярэдадні Дня Перамогі ў цэнтры Менску будзе ўрачыста адкрыты помнік маршалу Савецкага Саюза Георгію Жукаву.
Бронзавы бюст усталяваны ў сквэры, які сёньня носіць імя вялікага палкаводца, і разьмяшчаецца ў раёне вуліцы Чыгуначнай. Ваенная кар’ера маршала Перамогі была непасрэдна зьвязана зь Беларуссю.
Як паведамілі ў Міжнародным грамадскім фондзе імя Жукава, на цырымонію адкрыцьця помніка плянуюць прыехаць тры дочкі палкаводца і кіраўніцтва горада Жукава Калужскай вобласьці Расеі. Помнік зроблены на сродкі, сабраныя ветэранамі мінулай вайны, , перадае Першы канал беларускага тэлебачаньня.
Цікава, што гэты самы помнік у гэтым самым месцы ўжо быў урачыста адкрыты летась, і таксама акурат напярэдадні Дня Перамогі.
«7 траўня ў Менску, у сквэры на скрыжаваньні праспэкту імя Жукава і вуліцы Чыгуначнай, урачыста адкрыты бюст маршалу Георгію Жукаву, чатырохразоваму Герою Савецкага Саюза», — паведамляў год таму БелаПАН.
У леташняй цырымоніі бралі ўдзел намесьнік старшыні Менскага гарвыканкаму Міхаіл Ціцянкоў, міністр абароны Леанід Мальцаў, пасол Расеі Аляксандар Сурыкаў.
Што праўда, бюст быў пастаўлены на непрывабны шэры пастамэнт у неахайнай зялёнай зоне між мастом другога транспартнага кальца, прамзонай і прыватным сэктарам
Фота photo.bymedia.net
Цяпер чытаюць
Алексіевіч: Адно з самых моцных уражанняў у жыцці — калі я апынулася ў натоўпе ў 2020 годзе6
Каментары