Бяляцкі: Я думаю, нам было б пра што з Чыжом паразмаўляць, калі б мы апынуліся ў адной камеры
Праваабаронцы будуць сачыць за выкананьнем правоў бізнэсоўцаў Юрыя Чыжа і Яўгена Баскіна падчас сьледзтва і ўтрыманьня пад вартай, хоць самі гэтыя крымінальныя справы не ўваходзяць у кола інтарэсаў праваабаронцаў.
Пра гэта заявіў Свабодзе кіраўнік зачыненага ўладамі Праваабарончага цэнтра «Вясна» Алесь Бяляцкі.
«Калі будуць дадзеныя, што да іх, напрыклад, ужываюцца недазволеныя мэтады допыту, што на іх аказваецца ціск падчас сьледзтва, натуральна, што такія дадзеныя мы агучваем, зьбіраем і аналізуем. Нас цікавяць умовы ўтрыманьня, умовы сьледзтва адносна ўсіх грамадзян Беларусі — гэта ўваходзіць у кола зацікаўленасьцяў праваабарончых арганізацыяў. Але справы гэтыя не зьяўляюцца палітычна матываванымі, таму па сутнасьці сваёй гэта ня наша сфэра», — падкрэсьліў ён.
Цікава, што Юрыю Чыжу прад’яўлена абвінавачваньне па тым жа артыкуле, па якім быў у 2011 годзе асуджаны Алесь Бяляцкі — ухіленьне ад выплаты падаткаў і збораў у асабліва буйным памеры.
Былы палітвязень ставіцца да гэтай акалічнасьці з гумарам:
«Я думаю нам было б пра што зь ім паразмаўляць, калі б мы апынуліся ў адной камэры. Гэты артыкул вельмі расьцягнуты: там меры пакараньня ад «хіміі» да 7 гадоў турэмнага зьняволеньня. І гэта дае пэўныя магчымасьці для торгу. Я згодны са Сьвятланай Калінкінай, што Чыжа будуць зараз проста «стрыгчы», шантажаваць пэўным чынам, прымушаць аддаць як мага больш грошай — і за гэта супраць яго, можа, будуць ужытыя не такія суровыя меры пакараньня.
Што тычыцца маёй справы, то там такога адкрытага торгу не было, хоць пракурор казаў, што калі б прызнаў віну, то пракуратура ўлічыла б гэта. У справе Чыжа шмат што залежыць ад яго самога, ад яго лініі паводзін», — кажа ён.
-
Фядута пра помнік Паскевічу ў Гомелі: Чыгуннай нагой стане на мяжы з Украінай, дэманструючы, што ўжо беларускую зямлю Пецярбург не аддасць
-
«Тэкст прысягі прагучаў тады двойчы». Статкевіч падзяліўся ўспамінамі пра прысягу беларускіх вайскоўцаў у 1992 годзе на Дзень бітвы пад Оршай
-
Баркоўскі: Часам узнікае жаданне папрасіць Еўракамісію скараціць датацыі на незалежныя медыя
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары