Сірыйскі лідар Башар Асад раскрытыкаваў прэзідэнта Турцыі Рэджэпа Эрдагана і заявіў, што «армія Эрдагана» вядзе баявыя дзеянні ў Сірыі.
«Сёння вайна супраць Эрдагана і супраць Саудаўскай Аравіі выяўляецца ў барацьбе з тэрарыстамі. І турэцкая армія, якая не турэцкая, гэта армія Эрдагана, сёння ваюе ў Сірыі», — сказаў Асад у інтэрв'ю расійскаму агенцтву РІАН, другая частка якога была апублікаваная ў чацвер.
«Ён [Эрдаган] наўпрост падтрымлівае тэрарыстаў. Ён дазваляе ім перамяшчацца на турэцкую тэрыторыю, здзяйсняць манеўры з выкарыстаннем танкаў», — заявіў Асад.
Раней тыя ж абвінавачванні супраць Эрдагана выстаўляла расійскае міністэрства абароны. У канцы снежня на брыфінгу ў Маскве прадстаўнікі ведамства заявілі, што Турцыя з'яўляецца асноўным пакупніком нафты ў экстрэмісцкай групоўкі «Ісламская дзяржава», а ў гандаль з ІД уцягнутыя асабіста Эрдаган і яго сям'я.
Сам Эрдаган катэгарычна гэта адмаўляў і заявіў, што гатовы сысці ў адстаўку ў выпадку, калі гэтыя абвінавачванні будуць даказаныя. Улады Турцыі таксама раней неаднаразова адпрэчвалі абвінавачванні ў ваеннай прысутнасці на тэрыторыі Сірыі.
Цяпер чытаюць
Качанава прапанавала ўвесці адказнасць за «няпраўду ў тыктоку»9
Каментары