Нядаўнія дапаўненні і змены ў Правілы пажарнай бяспекі ў Беларусі не забараняюць паліць свечку ў памяшканні ў падсвечніку або ў адмысловым прыстасаванні, паведаміў прэс-сакратар МНС Беларусі Віталь Навіцкі.
«Калі свечка знаходзіцца ў падсвечніку ці любым іншым адмысловым прыстасаванні — гэта не адкрыты агонь. Як і каміны, печы або любыя ўстаноўкі для падрыхтоўкі ежы», — растлумачыў Віталь Навіцкі.
Ён таксама растлумачыў, што ва ўстановах грамадскага харчавання не дапускаюцца небяспечныя трукі з агнём пры падачы страў або кактэйляў.
«На жаль, у Беларусі былі выпадкі, калі людзі атрымлівалі апёкі ў такіх сітуацыях», — дадаў прадстаўнік МНС.
«Самая тыповая небяспечная сітуацыя з выкарыстаннем адкрытага агню — гэта калі ў цёмнай шафцы свечкай спрабуюць падсвяціць паказанні лічыльніка газу», - таксама адзначыў Віталь Навіцкі.
Акрамя таго, прадстаўнік ведамства звярнуў увагу, што МНС пастаянна збірае прапановы па магчымых зменах правілаў пажарнай бяспекі. Іх можна накіроўваць праз сайт міністэрства. Таксама пры МНС дзейнічае грамадска-кансультацыйная рада.
Як паведамлялася, дапаўненні і змены ў Правілы пажарнай бяспекі ў Беларусі набылі моц 1 мая. У прыватнасці, у будынках, збудаваннях і памяшканнях забараняецца распальваць полымя, у тым ліку выкарыстоўваць свечкі, паходні і іншыя агнявыя эфекты нават у сцэнічных пастаноўках. Ёсць некаторыя выключэнні — у тым ліку набажэнствы ў цэрквах і выкарыстанне свечак дома.
Таксама зараз курэнне на аб'ектах дапускаецца толькі ў спецыяльна адведзеных, абсталяваных і пазначаных паказальнікамі месцах, вызначаных загадам кіраўніка суб'екта гаспадарання.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары