Парламент Ірана прыняў закон, які абавязвае ўрад запатрабаваць ад ЗША кампенсацый за «злачынствы супраць краіны», учыненыя ў апошнія 65 гадоў.
Адным з такіх злачынстваў члены меджліса назвалі ўдзел спецслужбаў ЗША ў звяржэнні прэм'ер-міністра Махамеда Масадыка ў жніўні 1953 года.
Як мяркуюць эксперты, законапраект быў прыняты ў адказ на нядаўняе рашэнне Вярхоўнага суда ЗША, згодна з якім Тэгеран павінен выплаціць 2 млрд даляраў пацярпелым і сваякам загінулых пры нападах, арганізаваных, як лічаць у Вашынгтоне, іранскім урадам.
У прыватнасці, гаворка ідзе пра выбух казармаў з марпехамі ЗША ў Бейруце ў 1983 годзе.
Тэгеран назваў гэтае рашэнне «разбоем з вялікай дарогі».
Некаторыя іранскія парламентарыі ў адказ на рашэнне амерыканскага суду прапанавалі захопліваць амерыканскія караблі ў Армузскім праліве.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары