У ЕСПЧ пададзены пазоў ад імя сваякоў ахвяраў катастрофы Boeing пад Данецкам летам 2014 года, паведамляе Reuters са спасылкай на агенцтва Fairfax Media. Пазоў пададзены супраць Расіі і прэзідэнта Уладзіміра Пуціна
Сваякі ахвяраў катастрофы рэйса MH17 авіякампаніі Malaysia Airlines, які разбіўся пад Данецкам 17 ліпеня 2014 года, падалі ў Еўрапейскі суд па правах чалавека пазоў супраць Расіі і прэзідэнта Уладзіміра Пуціна, паведамляе Reuters са спасылкай на аўстралійскае агенцтва Fairfax Media.
Па дадзеных агенцтва, пазоў ад імя 33 чалавек з Аўстраліі, Новай Зеландыі і Малайзіі, якія з'яўляюцца бліжэйшымі сваякамі загінулых, падала аўстралійская юрыдычная кампанія. Ён быў пададзены 9 мая, пазоўнікі запатрабавалі кампенсацыю ў памеры $ 10 млн за кожнага загінуўшага.
Reuters удакладняе, што атрымаць пацверджанне гэтай інфармацыі, а таксама каментары юрыстаў, агенцтву пакуль не ўдалося.
***
Пасажырскі Boeing авіякампаніі Malaysia Airlines ляцеў рэйсам MH17 з Амстэрдама ў Куала-Лумпур. Ён разбіўся на тэрыторыі Украіны недалёка ад Данецка і ўпаў на тэрыторыю, занятую баевікамі ДНР, якую не кантраляваў урад у Кіеве. Усе 298 чалавек, што былі на борце, загінулі.
У кастрычніку 2015 года Рада па бяспецы Нідэрландаў прадставіў вынікі тэхнічнага расследавання, згодна з якімі самалёт быў збіты ракетай «зямля — паветра» з боегалоўкай 9N314M з зенітна-ракетнага комплексу «Бук». Расследаванне не адказала на пытанне, хто менавіта збіў самалёт. Афіцыйна расследаванне міжнароднай следчай групы, якое павінна адказаць на гэтае пытанне, яшчэ не скончана.
-
Венгрыя высылае адразу 10 расійскіх дыпламатаў. Такога раней не было
-
«Сотні курдаў расказваюць пра сувязь з дачкой прэм'ера Курдыстана. І толькі 1% заяў на прытулак ад мігрантаў у Брытаніі сапраўдныя»
-
У Германіі ўпершыню пераабсталююць аўтазавод пад абароннае прадпрыемства — ім стане прадпрыемства Volkswagen
Каментары