Падлетак з Мазыра «замініраваў» Нацыянальны аэрапорт Мінск, запатрабаваўшы мільён даляраў і верталёт, паведаміла афіцыйны прадстаўнік Гомельскага абласнога ўпраўлення Следчага камітэта Марыя Крываногава.
Паводле папярэдняй інфармацыі, 15-гадовы школьнік ўвечары 22 мая, знаходзячыся ў кампаніі аднагодкаў, папрасіў у сяброўкі мабільны тэлефон, з якога патэлефанаваў у МНС. Ён паведаміў дзяжурнаму, што Нацыянальны аэрапорт Мінск замініраваны, а яму тэрмінова патрэбен мільён даляраў і верталёт, інакш праз некалькі хвілін аэрапорт узляціць у паветра.
Мазырскія міліцыянты аператыўна вылічылі нумар, з якога быў здзейснены званок, высветлілі асобу непаўналетняга «тэрарыста».
Па словах Марыі Крываногавай, прычыну свайго ўчынку школьнік патлумачыў проста — хацеў пажартаваць. У дачыненні да падлетка распачатая крымінальная справа за загадзя ілжывае паведамленне аб небяспецы, адказнасць па гэтым артыкуле КК надыходзіць з 14 гадоў.
Цяпер чытаюць
У Рэчыцы людзі выйшлі прыбіраць снег. Іх аштрафавалі8
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары