Аб гэтым заявіў Аляксандр Лукашэнка сёння на сустрэчы з кіраўнікамі дэлегацый, якія прымаюць удзел у XVI сесіі Савета кіраўнікоў вышэйшых органаў фінансавага кантролю дзяржаў — удзельніц СНД.
«Расіяне часта гавораць пра тое, што ля межаў Расіі разгортваюцца новыя кантынгенты НАТА. Трэба падкрэсліць, што перш за ўсё — ля нашых межаў, беларускіх межаў. Мы гэта бачым і прымаем без гвалту, без шуму адэкватныя меры», — падкрэсліў Лукашэнка.
«Бачу, што і расійскае кіраўніцтва сёння дзейнічае ў гэтым жа ключы ў заходнім напрамку, маю на ўвазе, што ў нас сумесная групоўка Узброеных сіл на захадзе, якая гарантуе бяспеку нашай айчыны — Беларусі і Расіі. І ў аснове гэтай групоўкі часці беларускай арміі. У выпадку канфлікту яны першымі ўступаюць у бой і на працягу кароткага часу сюды падцягваюцца часці, сканцэнтраваныя на захадзе Расійскай Федэрацыі», - прадоўжыў Лукашэнка.
Ён таксама адзначыў: «Мы гэта не хаваем ад нашых заходніх не то калег, не то партнёраў, не то сапернікаў. Яны цудоўна ведаюць нашы дамоўленасці з Расіяй».
«Я гэта кажу, каб вы зразумелі маю пазіцыю адносна СНД. Беларусь заўсёды была ініцыятарам інтэграцыйных працэсаў на постсавецкай прасторы, — адзначыў беларускі лідар. — Мы выступалі і будзем выступаць за рэальнае збліжэнне рэспублік былога Савецкага Саюза».
«Калі мы будзем у выніку пэўных замашак у пэўных дзяржавах асобных палітычных сіл прытрымлівацца іншых прынцыпаў, то мы ніколі не знойдзем супрацоўніцтва паміж рэспублікамі, і паміж намі будуць узнікаць, як гэта цяпер ва Украіне і іншых частках СНД, сутычкі, не дай бог, яшчэ і войны», — заявіў Аляксандр Лукашэнка.
Кіраўнік Беларусі ўпэўнены: «Усё ў нашых руках, не трэба лгаць нашым народам. Калі мы захочам быць разам, мы заўсёды будзем».
Цяпер чытаюць
«Яны чамусьці думаюць, што іх зараз згвалцяць». Прапаганда кінулася тушыць абурэнне беларусаў 150 тысячамі пакістанцаў23
Каментары