Памёр Элі Візэль, лаўрэат Нобелеўскай прэміі міру, гуманіст і асветнік
Элі Візэль (Elie Wiesel) заклікаў міжнародную супольнасць дапамагаць габрэям СССР і пратэставаць супраць палітыкі савецкіх уладаў.
У Нью-Ёрку ва ўзросце 87 гадоў памёр Элі Візэль, лаўрэат Нобелеўскай прэміі міру, амерыканскі і французскі габрэйскі пісьменнік, журналіст, грамадскі дзеяч, прафесар. Былы вязень нацысцкіх канцлагераў, ён стаў вядомым прапагандыстам ведаў пра Халакост.
У 1985 г. Элі Візэль быў узнагароджаны Залатым медалём Кангрэса ЗША. Таксама ён адзначаны многімі іншымі ўзнагародамі за сваю літаратурную, грамадскую і асветніцкую дзейнасць.
У 1965 г. Элі Візель здзейсніў паездку па Савецкім Саюзе, каб вывучыць становішча габрэяў у СССР. Пад уражаннем ад убачанага і пачутага на сустрэчах з тысячамі грамадзян СССР ён напісаў кнігу «Габрэі маўчання», у якой заклікаў міжнародную супольнасць дапамагаць габрэям СССР, пратэставаць супраць палітыкі савецкіх уладаў.
«Я хачу, каб мае вучні абаранялі правы чалавека, бо на зямлі іншыя людзі пакутуюць. Вось гэтых іншых і трэба абараняць ад бяспраўя. Бо большасць тых, хто пакутуе няма ні ведаў, ні магчымасці абараніць сябе», — казаў Элі Візель.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары