Польскі фокуснік памыліўся і прабіў цвіком далонь вядучай у тэлеэфіры
Спадар Зомбэк (Pan Ząbek) прыйшоў у студыю забаўляльнага ранішняга шоу на польскім тэлеканале TVP2, каб паказаць адзін са сваіх фокусаў.
Ілюзіяніст узяў 4 папяровыя пакеты і ўклаў у адзін з іх 10-сантыметровы цвік. Пасля чаго перамяшаў пакеты і прапанаваў вядоўцам праграмы раздавіць адзін з іх далонню.
Фокус скончыўся трагедыяй у жывым эфіры. «Ааааааа», — крычала вядомая журналістка Мажэна Рагальска. «Я прабіў табе руку! Прабач», — разгублена сказаў фокуснік.
Цяпер тэлевядоўца знаходзіцца пад наглядам медыкаў. Паводле Рагальскай, абышлося без швоў. Адзін з інтэрнэт-карыстальнікаў злосна паіранізаваў над здарэннем. «Шкада, што не было фокусу з пілой», — напісаў ён.
Цяпер чытаюць
Што адбывалася за кратамі з затрыманымі па справе аб падрыве расійскага самалёта А-50 у Мачулішчах1
Каментары