Галоўны трэнер зборнай Францыі Дідзье Дэшам на пасляматчавай прэс-канферэнцыі пасля вікторыі над Ісландыяй (5:2) заявіў, што яго каманда прыкладзе ўсе высілкі для перамогі ў паўфінале над Германіяй.
«Германія, несумненна, была найлепшай камандай, нават калі ў іх былі цяжкасці ў гульні з Італіяй, якая прымусіла суперніка гуляць да самага канца. Аднак мы тут, у чацвёрцы найлепшых, і мы аддамо ўсе сілы ў матчы супраць найлепшай каманды не толькі Еўропы, але і свету», — сказаў Дэшам.
У паўфіналах Еўра-2016 згуляюць:
6 ліпеня: Уэльс — Партугалія, 7 ліпеня: Германія — Францыя.
Зборная Іспаніі — дзеючы чэмпіён Еўропы (у 2012-м і ў 2008) выбыла ў 1/8 фіналу, прайграўшы Італіі.
Германія з'яўляецца дзеючым чэмпіёнам свету (2014) і два гады таму ў 1/4 фінале турніру яна перамагла якраз Францыю з лікам 1:0. Адзіны гол забіў Хумельс.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?14
Каментары