Партугалія на чале з Крышціяну Раналду перамагла Уэльс і выйшла ў фінал Еўра
Зборная Партугаліі стала першым фіналістам Еўра-2016, які праходзіць у Францыі. У паўфінале «чырвона-зялёныя» перамаглі сенсацыйны Уэльс – 2:0.
Партугалія – гэта своеасаблівы феномен Еўра. Да сённяшняга дня яны не атрымалі ніводнай перамогі ў асноўны час. Тры нічыі на групавой стадыі, перамога ў дадатковы час над Харватыяй, шанцаванне ў серыі пенальці з Польшчай. І тым не менш, пераможцаў не судзяць.
Першы тайм прайшоў пры вельмі роўнай гульні. Часам нават магло здацца, што гэта паўтарэнне гульні Партугалія – Харватыя без удараў у створ варот. Але не, лідар валійцаў Гарэт Бэйл аднойчы трапіў у рамку. Бэйл увесь першы тайм цягнуў за сабой «цмокаў», часам брытанская каманда выглядала нават больш прывабна. Зрэшты, да рэальнай небяспекі справа не даходзіла.
У другім тайме сваё важкае слова сказаў адзін з найлепшых футбалістаў сучаснасці Крыштыяну Раналду. Ён абсалютна ў класічным для сябе стылі скокнуў пры падачы мяча ў штрафную і зноў на імгненне перавісеў супернікаў і дакладна галавой накіраваў мяч у сетку. Крыштыяну скочыць у вышыню і трымаецца ў паветры нават лепш за многіх зорак НБА. Гэта трэці гол Крыштыяну на чэмпіянаце.
Літаральна праз тры хвіліны валійцаў адправілі ў вельмі цяжкі накдаўн. Гэта Нані адгукнуўся на пас Крыштыяну Раналду. Афсайда не было і шведскі арбітр Эрыксан вельмі граматна разабраўся ў сітуацыі – 2:0.
Пасля гэтага гульня паступова перайшла ў стан дагульвання. Партугальцы мелі нашмат болей шанцаў, каб зрабіць лік буйным, чым валійцы, каб зраўняць лічбы.
Зборная Уэльса згуляла нашмат лепей, чым хтосьці ад яе чакаў на гэтым Еўра. Партугальцы ж заўтра даведаюцца свайго суперніка па фінале. Гэта будуць, ці немцы, ці французы. Гульня пачнецца а 22:00.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары