Больш за 1000 брытанскіх адвакатаў вышэйшага рангу звярнуліся да прэм'ер-міністра Дэвіда Кэмерана з заявай, у якой яны сцвярджаюць, што вынікі рэферэндуму па пытанні аб выхадзе Брытаніі са складу Еўрапейскага саюза не валодаюць абавязковай юрыдычнай сілай.
Яны таксама заяўляюць, што толькі парламент, а не ўрад ці сам прэм'ер-міністр можа задзейнічаць 50-ы артыкул Лісабонскай дамовы, які прадугледжвае працэдуру выхаду з ЕС.
Па словах адвакатаў, рэферэндум, які адбыўся 23 чэрвеня, быў толькі кансультатыўным. Адпаведна, урад павінен стварыць незалежную камісію, якая разгледзела б перавагі, рызыкі і цану «брэксіта», перш чым урад прымаў якія б то ні было рашэнні.
У лісце, адрасаваным прэм'ер-міністру, адвакаты кажуць, што існуе дастаткова доказаў таго, што на вынік рэферэндуму паўплывалі «скажэнні фактаў і абяцанні, якія не могуць быць выкананыя».
«Паколькі прыхільнікі «брэксіту» выйгралі толькі нязначнай большасцю галасоў, немагчыма не браць пад увагу, што скажэнні фактаў і абяцанні былі вырашальным альбо спрыяльным фактарам у тым, што тычыцца вынікаў [рэферэндуму]».
Адвакаты заяўляюць, што, перш чым можа быць задзейнічаны 50-ы артыкул Лісабонскай дамовы, гэтае пытанне павінна быць абмеркавана ў парламенце, а дэпутаты павінны затым прагаласаваць згодна з асабістым перакананням, а не партыйнай прыналежнасці.
-
«Залічаная па нестандартнай працэдуры». Стала вядома, як шчодра падмазваў Эпштэйн універсітэт, у якім вучылася Карына Шуляк
-
Рубіа ў апошні момант адмяніў сустрэчу з лідарамі Еўропы аб пытанні Украіны
-
Студзень 2026 года ўвайшоў у пяцёрку самых цёплых першых месяцаў года ў свеце. Як гэта ні дзіўна для беларусаў
Цяпер чытаюць
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі7
Каментары