Раніцай 28 ліпеня ў двары Рэспубліканскага музычнага каледжа ў Мінску знайшлі цела пажылой жанчыны з прыкметамі падзення з вышыні. Пра гэта распавялі ў прэс-службе Упраўлення Следчага камітэта па Мінску.

фота Дзмітрыя Брушко, Tut.by
«Супрацоўнікі Цэнтральнага раённага ўпраўлення Следчага камітэта працуюць на месцы знаходжання цела жанчыны з прыкметамі падзення з вышыні. Загінулая 1948 года нараджэння, працавала вахцёрам у гэтым каледжы. Па папярэдніх дадзеных, раніцай яна выпала з акна верхняга паверха. Папярэдняя версія здарэння — суіцыд», — распавёў афіцыйны прадстаўнік упраўлення СК па Мінску Аляксей Клімовіч.

Каментары