Пераможца «Славянскага базару» паступіў ва Універсітэт культуры, уразіўшы камісію прапановай весці фестываль па-беларуску
Сёлетні пераможца «Славянскага базару» набраў на іспытах 291 бал і паступіў на спецыяльнасць «рэжысёр святаў».
Спявак здаваў гісторыю Беларусі, беларускую мову і творчы экзамен на базе ВНУ.
Падрабязней пра экзамен і планы Аляксея Гроса распавёў куратар выканаўцы Сяргей Андрыянаў.
«Творчы экзамен уяўляў сабой акцёрскае майстэрства — тут Аляксей зачытаў байку Кандрата Крапівы «Ганарысты парсюк» і ўрывак з аповеду Івана Буніна «Арэлі». На другі ўступны творчы экзамен пісаў сцэнарны план па правядзенні «Славянскага базару». Гэта значыць, што яму трэба было распісаць не сцэнар канцэртаў, а ў якім фармаце ён бачыць конкурс».
«Аляксей прапанаваў ідэю «Славянскага праспекта», на якім павінны быць размеркаваныя пляцоўкі асноўных славянскіх дзяржаў. Таксама наш спявак прапанаваў весці «Славянскі базар» на мове краіны-гаспадыні беларускай і англійскай мовах, як міжнароднай».
«На апошнім творчым экзамене камісія разам з Аляксеем абмяркоўвалі творчасць Уладзіміра Мулявіна. І вось сёння стала вядома, што ён паступіў».
Такім чынам спявак плануе атрымаць першую вышэйшую адукацыю. Па словах каманды Аляксея, атрымаць вышэйшую адукацыю выканаўца натхніў удзел у «Славянскім базары», урокі па вакале і інш.
Дагэтуль пераможца «Славянскага базару» 6 гадоў вучыўся ў салігорскай музычнай школе па класе ўдарных. У 2006 годзе паступіў у Мінскі каледж мастацтваў на аддзел вакалу. З 2010 года займаецца сольнай кар'ерай.
-
Салісты Беларускай оперы прайшлі ў расійскае шоу спеваў — але журы знайшло прорву паміж іх галасамі
-
Селін Дыён вярнулася на сцэну з канцэртам пасля шасці гадоў перапынку з-за хваробы
-
Расійскі прадзюсар Макс Фадзееў выпусціў песню пра Беларусь — і праспяваў яе з дачкой бізнэсмена, звязанага з сям'ёй Шэймана
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары