Сем беларускіх пісьменнікаў сталі лаўрэатамі 2-й Нацыянальнай літаратурнай прэміі. Іх імёны абвешчаныя 4 верасня на святкаванні Дня беларускага пісьменства ў Рагачове (Гомельская вобласць).
У намінацыі «Найлепшы твор прозы» пераможцам стаў аўтар зборніка гістарычных аповесцяў «Цяпло колішніх вогнішчаў» Алесь Марціновіч.
Аўтарам найлепшага паэтычнага твора названы Мар'ян Дукса са зборнікам «Птушка вечнасці — душа».
Пераможцам у намінацыі «Найлепшы твор для дзяцей і юнацтва» стаў Сяргей Далідовіч за шэраг дзіцячых кніг.
Аўтарам найлепшага драматургічнага твора прызналі Ягора Конева з п'есай «Злачынства і пакаранне на берагах Свіслачы».
Пераможцам у намінацыі «Найлепшы публіцыстычны твор» стаў Мікалай Барысенка з кнігай «Рэха вайны ва Усходняй Беларусі».
Таццяна Мацюхіна з кнігай «Беларускі імпрэсіянізм» стала аўтарам найлепшага твора ў галіне літаратурнай крытыкі і літаратуразнаўства.
Празаік Сяргей Клімковіч з чатырма тамамі дзіцячай літаратуры «Таямніца кватэры № 8» стаў аўтарам найлепшага дэбютнага твора.
-
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна
-
Андрэй Федарэнка напісаў эсэ пра Янку Брыля, але яно больш чым проста пра Брыля ці літаратуру
-
Выдавецтва Gutenberg анансуе ірландскую навінку для дзяцей
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары