Лондан узвядзе ў французскім Кале сцяну, якая перашкодзіць мігрантам незаконна трапляць у грузавікі, якія едуць у Вялікабрытанію. Будаўнічыя працы ацэньваюцца прыкладна ў 2,4 мільёнаў еўра.
Лондан узвядзе сцяну ўздоўж аўтамагістралі, якая вядзе да французскага порта Кале, дзе сабраліся некалькі тысяч мігрантаў, якія спрабуюць незаконным чынам трапіць на тэрыторыю Вялікабрытаніі. Загарода закліканая перашкодзіць бежанцам прабірацца ў грузавыя аўтамабілі, якія пазней з дапамогай паромнай пераправы трапляюць у брытанскі Дуўр.
«Мы ў бліжэйшы час пачнём будаваць гэтую сцяну. У нас ужо ёсць плот, цяпер чарга за сцяной», — заявіў у аўторак, 6 верасня, Роберт Гудвіл, дзяржсакратар, які адказвае ў МУС Вялікабрытаніі за пытанні іміграцыі.
На ўзвядзенне сцены спатрэбіцца каля 2,4 млн еўра. Праект быў узгоднены з французскім бокам яшчэ ў сакавіку, завяршэння будаўніцтва варта чакаць да канца года.
Паводле ацэнак Парыжа, Вялікабрытанія з 2014 года ўжо выдаткавала каля 100 млн еўра на павышэнне мер бяспекі ў порце Кале і ахову Еўратунэля пад Ла-Маншам.
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну7
Каментары