Культуролаг, прафесар Беларускага дзяржаўнага ўніверсітэта культуры і мастацтваў Юлія Чарняўская абурылася ў фэйсбуку транслітараваным напісаннем прозвішча ў сваім пашпарце.
У яе дакуменце будзе «Julija Cherniavskaja». «Нармальны правапіс ім не падыходзіць. Так што знаёмімся: Чернявскажа Жуліжа. Свет поўны ідыётаў, ідыётаў, ідыётаў», — адзначыла яна.
Патлумачым, што кожны грамадзянін можа вызначыцца, якую транслітарацыю — з рускай ці беларускай мовы — хоча мець у пашпарце.
Аднак у любым разе пашпартысты будуць карыстацца рэкамендаванай «Табліцай транслітарацыяй літар беларускага і рускага алфавітаў літарамі лацініцы», зацверджанай Міністэрствам унутраных спраў у 2008 годзе.
То бок можна абраць паміж умоўнымі «Ekaterina Belousova» і «Katsiyaryna Belavusava», але свайго варыянту напісання не прадугледжана.
Многія бачаць праблему, што пашпартная лацінская транслітарацыя абапіраецца на французскую традыцыю і адрозніваецца ад афіцыйна зацверджанай беларускай лацінкі.
Параўнайце: Charniawskaja у першым варыянце ці Čarniaŭskaja ў другім варыянце. А імя Кацярына магло пісацца б як Kaciaryna, а не Katsiyaryna.
На ваш погляд, як варта правільна транслітаваць імёны і прозвішчы ў пашпартах, па інструкцыі МУС ці па правілах лацінкі. Ці варта пакідаць выбар паміж беларускай і рускай транслітарацыяй? Абмяркоўвайце!
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Цяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію3
Каментары