Расіяне кожны квартал набываюць у Мінску 140—145 кватэр. Гэта многа ці мала?
Апошнія два гады на рынку жылля ў Мінску назіраецца зніжэнне колькасці здзелак, але пры гэтым кошт квадратнага метра працягвае павольна расці. Нацыянальнае кадастравае агенцтва прааналізавала, хто менавіта купляе кватэры ў сталіцы і якую долю займаюць нерэзідэнты.
Асноўная частка купцоў, як сцвярджае НКА — гэта беларусы, і іх доля амаль не змяняецца: каля 94—96%. У 2022—2024 гадах на іншаземцаў прыпадала прыкладна 5% здзелак, і гэтая лічба застаецца стабільнай. У 1‑м квартале 2026 года беларусы набылі 94,4% кватэр, што амаль не адрозніваецца ад папярэдніх гадоў.
З 2025 года змянілі правілы рэгістрацыі сумеснай уласнасці — цяпер абавязкова пазначаюцца імёны абодвух сужэнцаў. Гэта прывяло да таго, што значна вырасла доля кватэр, аформленых на сямейныя пары: калі ў 2024 годзе гэта было толькі 2,3%, то ў 2025 — ужо 30,1%, а ў 1 квартале 2026 — больш за палову (50,4%). Фактычна кожная другая кватэра цяпер купляецца ў шлюбе.
Сярод іншаземцаў найбольш актыўныя купцы — грамадзяне Расіі (каля 60% усіх здзелак з удзелам нерэзідэнтаў). Значна радзей купляюць грамадзяне Літвы, Кітая, Украіны і іншых краін. Усяго іх доля вельмі невялікая — каля 2—5% у залежнасці ад перыяду. У сярэднім расіяне набываюць каля 140—145 кватэр у квартал.
Часцей за ўсё нерэзідэнты выбіраюць новыя і сучасныя раёны Мінска, напрыклад «Мінск-Мір», Лебядзіны, Сухарава і іншыя кварталы новай забудовы.
Усяго кватэры ў сталіцы за апошнія гады куплялі жыхары каля 65 краін, у тым ліку і вельмі далёкіх: Сальвадора, Каба-Вэрдэ ці Грэнады.
Як сцвярджае Нацыянальнае кадастравае агенцтва, замежныя пакупнікі не аказваюць істотнага ўплыву на агульныя цэны на кватэры ў Мінску, бо іх доля невялікая і стабільная, а асноўны попыт усё адно фарміруюць беларусы.
Расійскі ўрад прапанаваў перагледзець правілы легалізацыі расіян у Беларусі
10% кватэр у Мінску ў сакавіку набылі расіяне
Расіяне задумаліся пра пераезд у Беларусь. Чаму для іх тут так мёдам намазана?
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам
Каментары
Даже точками в строчках не брезговал ,
Запятым по пятам , а не дуриком ,
Изучал Капитал с Антидюрингом .