Разыходжанне ў дадзеных аб яўцы выбаршчыкаў у назіральнікаў і ўчастковых камісій набліжаецца да некалькіх сотняў, заявіў БелаПАН каардынатар кампаніі «Права выбару» па Магілёўскай-Цэнтральнай выбарчай акрузе № 85 Віталь Макаранка.
«Надзеі, што цяперашняя кампанія будзе праходзіць неяк інакш ад папярэдніх, не спраўдзіліся. На жаль, усё адбываецца па тым жа сцэнары, як і на ўсіх папярэдніх выбарах, якія не былі прызнаныя ні беларускай дэмакратычнай супольнасцю, ні міжнародным», - адзначае каардынатар па назіранні.
Паводле яго слоў, масавыя прыпіскі сябрамі ўчастковых камісій пачаліся ў чацвер, калі разбежкі з дадзенымі назіральнікаў дасягалі сотні чалавек. «Напрыклад, на 37-м участку каля 200 чалавек было прыпісана. На такую колькасць ніякай назіральнік не можа памыліцца, тым больш, што назірае ўвесь час, а мы ў сваю чаргу жорстка кантралюем прысутнасць назіральніка на ўчастку», - сказаў Макаранка.
Пра тое, што на ўчастку №38 за ўсе дні папярэдняга галасавання было прыпісана каля 500 галасоў, расказаў БелаПАН і незалежны назіральнік Аляксей Колчын.
«Такія прыпіскі робяцца для таго, каб потым адсоткаў 90 галасоў датэрмінова прагаласаваўшых прыпісаць праўладным кандыдатам. На жаль, такая практыка была ў мінулыя гады і яна відавочна выкарыстоўваецца цяпер», - лічыць Віталь Макаранка.
Ён таксама распавёў пра прыклады прымусу да галасавання. «Бачым прымус да датэрміновага галасавання, асабліва студэнтаў. Ходзяць цэлымі калектывамі і на пытанне - чаму ідуць, адказваюць, што ад тых, хто жыве ў інтэрнатах, проста патрабуюць. Таксама распавядалі, што звесткі затым будуць перадавацца з участкаў, і тыя, хто не прагаласаваў датэрмінова, будуць пазбаўленыя месцаў у інтэрнатах альбо будуць мець праблемы з вучобай. Гэта - універсітэт Куляшова. альбо ў некаторых выпадках ім прапануюць дадатковы выхадны за датэрміновае галасаванне «, - распавёў каардынатар назіральнікаў.
Ён таксама паведаміў пра пагрозы з боку старшыняў участковых камісій, напрыклад, № 49, пазбавіць акрэдытацыі назіральнікаў за нібыта стварэнне перашкодаў у працы камісіі, хоць на самай справе, назіральнікі проста падавалі скаргі на убачаныя імі парушэнні. «Шмат людзей панеслі скаргі ў акруговую камісію. Гэта значыць, калі бачым вялікія прыпіскі, скардзіцца ў саму ўчастковую камісію ўжо не мае сэнсу. Мы, вядома, разумеем якімі будуць вынікі разгляду гэтых скаргаў - абсалютна нулявыя, але фактура ў нас застаецца», - адзначыў назіральнік.
З Лондана Мельнікава вылецела на Шры-Ланку, у яе быў каханак спартовага выгляду з Беларусі22
Каментары