Пасля сямі гадоў грамадзянскага шлюбу лідар гурту Brutto Сяргей Міхалок і беларуская актрыса Святлана Зелянкоўская таемна распісаліся ў загсе Адэсы. Пра гэта Tut.by распавяла актрыса.
Афіцыйная рэгістрацыя шлюбу адбылася год таму: 26 жніўня 2015 года, але пра яе ведалі толькі самыя блізкія сябры і сваякі сям'і.
— Вяселле было простым. У Адэсе, па прыколе, пайшлі і паставілі штамп у тым адзенні, у якім хадзілі на пляж, — распавядае Святлана. — Пасля роспісу паехалі ў кафэ, дзе Макарка (сын Сяргея Міхалка і Святланы Зелянкоўскай) мог гуляцца. Там добрая дзіцячая пляцоўка, аніматары, вялікая надзіманая горка. А ён у дарозе заснуў. Мы яго на зэдліку паклалі побач з намі, накрылі пледам, а самі ціха елі і пілі гарбату.
Актрыса лічыць, што пасля роспісу адносіны ў сям'і сталі больш адказнымі, але па-ранейшаму ім з Сяргеем весела і цікава разам.
— У нас усё класна. Стасункі класныя, мядовы месяц можа нечакана паўстаць у любую хвіліну — узялі і паехалі куды-небудзь. Таму ўсё жыццё — мядовы месяц, - кажа Святлана.
У лістападзе 2013 года ў пары нарадзіўся сын Макар. У маі Сяргей Міхалок атрымаў від на жыхарства ва Украіне, праз паўгода яго атрымала Святлана і пераехала да мужа ў Кіеў.
-
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі
-
«Дзяўчаты, гэта рэальна працуе!» Нявеста Пратасевіча расказала, як прываражыла будучага мужа чырвонымі трусамі
-
Яноціха Ясенія, якая нелегальна прыехала з ЗША, знайшла мужа ў Баранавічах
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы55
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары