Былы вядомы гоншчык «Формулы-1» Алесандра Дзанардзі стаў трохразовым паралімпійскім чэмпіёнам. У Рыа-дэ-Жанейра ён перамог у велагонцы на шашы.
49-гадовы італьянскі спартсмен выйграў індывідуальную гонку з раздзельным стартам. Другое месца заняў аўстраліец Сцюарт Трып.
Дзанардзі, які выступаў у «Формуле-1», у тым ліку за Benetton, Minardi і Lotus, трапіў у сур'ёзную аварыю пасля таго, як перабраўся ў гоначную серыю CART.
Аварыя адбылася 15 верасня 2001 года. Дзанардзі страціў кіраванне падчас гонкі на нямецкай трасе Лаузітцрынг, і яго балід раскруціла папярок трасы, пасля чаго ў яго ўрэзаўся наступны ўдзельнік гонкі, Алекс Тальяні. Дзанардзі атрымаў сур'ёзныя траўмы, і дактары вымушаныя былі ампутаваць яму абедзве нагі да калена.
Праз некалькі гадоў пасля аварыі Дзанардзі пачаў выступаць у спаборніцтвах паралімпійцаў, а ў 2012 годзе дэбютаваў на Паралімпійскіх гульнях. У Лондане ён выйграў золата на дыстанцыі 16 км і 64 км.
Пасля перамогі ў Рыа італьянец стаў трохразовым паралімпійскім чэмпіёнам. У пятніцу ён можа дадаць у сваю скарбонку яшчэ адну ўзнагароду, калі заваюе медаль у каманднай гонцы.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай13
Каментары