На адкрытым аўкцыёне 17 кастрычніка прададзена права забудовы ўчастка былога Чэрвеньскага рынку ў Мінску, паведамілі ў Мінскім гарадскім цэнтры нерухомасці.
Як паведамлялася, на адкрыты аўкцыён на права праектавання і будаўніцтва капітальных будынкаў быў выстаўлены ўчастак на месцы былога Чэрвеньскага рынку (скрыжаванне вуліц Маякоўскага і Аранскай) плошчай 2,45 гектара. Згодна з умовамі на ўчастку, які здаецца ў арэнду на пяць гадоў, павінен быць пабудаваны шматфункцыянальны комплекс.
Пачатковы кошт склаў 1.314.881,56 дэнамінаванага рубля (каля 657.440 долараў). Абцяжараннем з'яўляецца знос гаражоў па вуліцы Аранжарэйнай і гандлёвага павільёна на вуліцы Аранскай.
«Права на забудову прададзена адзінаму ўдзельніку аўкцыёну, рэзідэнту Беларусі, па цане на 5% большай за пачатковы кошт», — паведаміла супрацоўніца цэнтра нерухомасці.
Раней Мінгарвыканкам скасаваў інвестыцыйны дагавор з іранскай кампаніяй «Дзідас», якая так і не пачала забудову тэрыторыі былога Чэрвеньскага рынку. Па ўмовах інвестдагавора, будаўніцтва шматфункцыянальнага комплексу ў раёне перасячэння вуліц Маякоўскага і Аранскай, на месцы былога Чэрвеньскага рынку, павінна было завяршыцца ў 2015 годзе, аднак яно нават не пачалося.
Закрыццё Чэрвеньскага рынку ў 2013 годзе выклікала незадаволенасць прадпрымальнікаў, якія там гандлявалі. Рынак быў перанесены ў мікрараён Лошыца. Яго перанос за ўласныя сродкі ажыццявілі Рэспубліканская канфедэрацыя прадпрымальніцтва, Мінскі сталічны саюз прадпрымальнікаў і работадаўцаў і Беларускі саюз прадпрымальнікаў.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары