Адсутнасць рэакцыі лаўрэата Нобелеўскай прэміі па літаратуры 2016 года Боба Дылана на ўручэнне яму самай прэстыжнай у свеце ўзнагароды абурыла Нобелеўскі камітэт. Адзін з членаў журы папракнуў Дылана, які да гэтага часу не адказаў на ўсе спробы Шведскай каралеўскай акадэміі навук звязацца з ім, у фанабэрыі.
«Трэба называць рэчы сваімі імёнамі: так паводзіць сябе няветліва і высакамерна», — заявіў у эфіры шведскага тэлеканала SVT пісьменнік Пер Вестберг.
З таго моманту, як стала вядома аб прысуджэнні яму Нобелеўскай прэміі, Боб Дылан не адказаў на ніводны званок з Шведскай акадэміі, не даў ніводнага інтэрв'ю на гэтую тэму і нават выдаліў са свайго сайта інфармацыю аб «Нобелеўскай прэміі». Невядома таксама, ці прыбудзе ён на ўрачыстае ўручэнне ўзнагарод, якое адбудзецца 10 снежня ў Стакгольме.
Выступ Пера Вестберга стаў першай публічнай праявай абурэння Нобелеўскага камітэта. Да гэтага адзінай рэакцыяй на маўчанне Дылана была аб'ява аб тым, што Шведская акадэмія спыняе спробы звязацца з музыкам.
Маўчанне Боба Дылана нельга растлумачыць нелюбоўю да публічных мерапрыемстваў або бояззю мець зносіны з прэсай, піша Der Spiegel.
За доўгія гады сваёй кар'еры ён прысутнічаў на ўручэнні яму мноства ўзнагарод, сярод якіх — найвышэйшая ўзнагарода Злучаных Штатаў медаль Свабоды, уручаная музыку прэзідэнтам ЗША Баракам Абамам, кінапрэміі «Оскар» і «Залаты глобус» і мноства музычных прэмій «Грэмі».
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары