Бацька шляхам падману вывез дзіця ў Фінляндыю і ўтрымліваў там, не дазваляючы маці забраць дзіця, грамадзяніна Беларусі, на радзіму.
Міністэрства замежных спраў Беларусі дапамагло вярнуць на радзіму 6-гадовага беларускага грамадзяніна, які падманным шляхам быў вывезены і ўтрымліваўся ў Фінляндыі, распавёў журналістам у чацвер на брыфінгу начальнік упраўлення інфармацыі, прэс-сакратар МЗС Беларусі Дзмітрый Мірончык.
«6-гадовы грамадзянін Беларусі шляхам падману быў вывезены яго бацькам, таксама грамадзянінам Беларусі, у Фінляндыю. Пытанне вырашалася падчас судовых працэсаў на працягу года», — заявіў Мірончык.
Паводле яго слоў, фінскі суд на просьбу беларускага боку вярнуць дзіця ў Беларусь спачатку адказаў адмовай, аднак потым, у тым ліку пры дапамозе дыпламатаў двух бакоў, на этапе абскарджвання рашэння суда першай інстанцыі, рашэнне было перагледжана на карысць інтарэсаў дзіцяці і яго маці.
24 кастрычніка пры дапамозе пасольства РБ у Фінляндыі дзіця было перададзена на фінскай тэрыторыі яго маці, распавёў Мірончык. Прэс-сакратар МЗС падкрэсліў, што гэта не першы выпадак складанага вяртання праз суды маленькіх беларускіх грамадзян на радзіму. Такія гісторыі не заўсёды надаюцца агалосцы, паколькі ўлічваецца абарона інтарэсаў дзіцяці.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»8
Каментары