Стала вядома, колькі ў парламенце зарабляе апазіцыйная дэпутатка Ганна Канапацкая
Дэпутатка Палаты прадстаўнікоў ад АГП Ганна Канапацкая на сваёй старонцы ў фэйсбуку апублікавала разліковы лісток за кастрычнік.
Першая сесія новага склікання парламента адбылася 11 кастрычніка. Агулам у мінулым месяцы дэпутаты адпрацавалі 12 дзён.
Заробак Ганны Канапацкай склаў 1058 рублёў, альбо каля 500 еўра па курсу Нацбанка за 15 лістапада. Аклад у Канапацкай выйшаў 524 рублі, штомесячная прэмія — 214 рублёў, надбаўка за клас дзяржслужбоўцы — 191, надбаўка за выслугу гадоў — 286 рублёў.
Сярэдні заробак па Беларусі за верасень 2016 года склаў 732 рублі.
«Самыя высокааплатныя дэпутаты ў свеце працуюць у Аўстраліі. Іх штомесячны даход складае 15 400 еўра. У Еўропе больш за ўсіх зарабляюць італьянскія парламентарыі (14 580 еўра). Мае ўкраінскія калегі — крыху больш за 2 000 еўра, расійскія з наступнага года — 5 600 еўра. Самыя «бедныя» дэпутаты краін ЕС працуюць у Балгарыі (1 300 еўра). Як вы лічыце, якую заработную плату павінны мець дэпутаты заканадаўчага органа нашай краіны? Якія аптымальныя суадносіны павінны быць з сярэднім заробкам?» — задаецца пытаннем Ганна Канапацкая.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары